الأحد، 29 سبتمبر 2013

جوجل تحتفل بعامها ال 15 بتعديلات على اللوغاريتمات

جوجل 

#جوجل هتغير فى اللوغاريتمات بتاعة عمليات البحث , يعنى عمليات البحث على جوجل مش هتعتمد بس على الكلمات أو الجمل , لأ دى
هتعتمد على تناسق الجمل مع بعض و معنى كل جملة , 

و من أحد التغيرات على عمليات البحث فى جوجل هو أنك  ممكن  تسأل جوجل مش مجرد أنك تعمل بحث على كلمة علشان يجيبلك أفضل المواقع إللى بتحتوى الكلمة أو الموضوع ده 

مثال : هتقدر مثلا بعد كده تسأل جوجل " من هو محمد جمعة " 

ساعتها جوجل هيطلعلك نتائج البحث المتعلقة بسؤالك يعنى هو مين و بيشتغل أيه و كل المعلومات عنه 
و ساعتها طبعا ممكن يظهرلك أكثر من نتيجة فى البحث لأكثر من واحد أسمه " محمد جمعة " فى محمد جمعة إللى بيغنى أو بيمثل أو بيألف و أنت ساعتها مثلا هتختار " محمد جمعة " بتاع التسويق و ده كمان هيدخل فيه خدمه جديده من جوجل أسمها " Comparisons and filters "

و الخدمه دى هتساعدك أنك توصل لأفضل نتيجة فى البحث سواء كانت فى مجال معين أو شخص معين 

يعنى لو هتسأله عن " من يعملون بالتسويق " هيجبلك أختيارات للناس إللى بتشتغل فى التسويق ...... و هكذا 



- هيبقى برضه فيه أمكانيه أنك تعمل بحث عن طريق الصوت , يعنى هتكلم جوجل و تسأله و هو هيرد عليك #Voice_Search   
تقدروا تجربوها من هنا 



كل ده ضمن أحتفال جوجل بعامها ال 15 و تغير اللوغرتمات ده هيساعد أكتر أن جوجل تفهم أنت عايز أيه من البحث و أيه هى النتيجة إللى أنت بتبحث عنها