الخميس، 31 أكتوبر، 2013

الفيس بوك هيعرف أنت بتعمل أيه " بالماوس "



بدأ الفيس بوك يدرس أسلوب الزوار على الموقع بس على نطاق محدود شوية , و الأحصائيات دى هتكون بدور على أيه الأماكن إللى الناس بتقف عندها " بالماوس " 

و ده الغرض منه تطوير أماكن ظهور الأعلانات على الفيس بوك 

- الفيس بوك بيعتمد على تجميع نوعين من الأحصائيات و البيانات و هما " ديموغرافيا و سلوكيا "

- ديموغرافيا مقصود بيها المكان إللى بتعيش فيه أو بتدرس فيه و أيه خصائص المكان ده و أهم صفات الناس إللى عايشه فيه 

- سلوكيا بقى يعنى أنت بتعمل لايك على أيه , مين أكتر الناس من أصحابك إلى أنت بتابعهم 
و هكذا

و الأحصائيات الأخيره إللى الفيس بوك بيجمعها ممكن تخلينا نفكر 
ممكن الفيس بوك يغير مكان الأعلانات ؟؟ ممكن الفيس بوك يكبر مكان الأعلان , ممكن و ممكن و ممكن ..... !!!

لأنه عايز يعرف من الدراسه دى مؤشر الماوس بيجى على الأعلان كام مره و سلوك الناس على الموقع عامل أزاى و سلوك الناسو رد فعلهم مع الأعلانات عامل أزاى ؟؟

و طبعا هيساعد فى أستهداف أسهل و أسرع و أدق للناس عن طريق الأعلان 



Facebook ADS