الخميس، 21 مايو، 2015

أهم 25 مصطلح فى السوشال ميديا

social Media - سوشال ميديا
social Media - سوشال ميديا 


أيه هى أبرز 25 مصطلح فى السوشال ميديا








1- Post
هو كل ما تقوم بنشره على أى موقع من مواقع التواصل الأجتماعى سواء كان صورة أو بوست نصى أو فيديو أو لينك 

2- Reach 
ده مصطلح بيتقال على الفيس بوك على أى بوست أنت بتنشره على صفحتك و معناه عدد الناس إللى البوست بتاعك وصل لهم بمعنى ادق كام واحد البوست بتاعك ظهر عنده على News Feeds
و هنتكلم هنا عن ال Organic Reach و  Paid Reach



3- Organic Reach
 يعنى أن البوست بتاعك وصل للناس من غير أعلان يعنى وصول طبيعى بدون أى محفزات .. و ده مهم جدا و بيعتبر عامل مهم لقياس مدى قوتك لأن كل لما معدل الوصول الطبيعى بتاعك بيزيد ده معناه أن قيمة المحتوى إللى بتنشره عالية

4- Paid reach 
ده معناه أنك هتدفع فلوس مقابل نشر المحتوى بتاعك أو بمعنى أصح و ادق الفلوس هتكون مقابل وصول المحاوى بتاعك لعدد أكبر من الناس


5- Boost 
ده معناه أنك تعمل أعلان على أى حاجة ... و معناه الحرفى من القاموس يعنى " زيادة " و ده هتلاقيه دايما بجوار أى بوست على الصفحة بتاعتك


6- Engagement 
 الكلمة شارحه نفسها بنفسها , و و بنطلق الكلمة دى على نوعية البوستات إللى بيتم نشرها بغرض جذب الناس للتفاعل معاك على فكرة معينة أو لعبة أو أىا كان البوست

7- content
و ده المقصود بيه المحتوى إللى بيتم نشره على أى موقع من مواقع التواصل الأجتماعى و بيختلف شكل المحتوى حسب كل موقع و ده إللى هنتكلم عليه قدام شوية


8-Conversion Rate
معنى الكلمة دى معدل التحويل ... بس برضه يعنى أيه ده , هو ده إللى بتقيس بيه هلى البوست بتاعك حقق النتيجة إللى أنت كنت عايزها ولا لأ ......  يعنى مثلا لو أنت عامل بوست  و بتتكلم فيه عن منتج أنت بتقدمه و عايز الناس تشتريه و عملت رسال قوية بتحفز الناس انها تشترى و بعدها ماحدش أشترى او سألك على المنتج ... كده يبقى معدل التحويل بتاع البوست ده قليل , ده شرح بسيط لعامل مهم جدا فى العملية التسويقية بشكل عام

9 -HashTag
 هو علامة ال " # " و من أبرز المواقع إللى بتستخد الهاش تاج طبعا تويتر و جوجل بلس و الفيس بوك و أنستجرام ... الميزه الرئيسية للهاش تاج أنه بيسهل عملية تصنيف المواضيع إللى فى نفس المجال و بتحتوى على نفس الهاش تاج

10 - Inbound Marketing 
 قبل أى حاجة الكلمتين دول ممكن علشان نشرحهم بالتفصيل ممكن نكتب فيهم كتب , بس بأختصار ده معناه " التسويق الضمنى " يعنى التسويق الغير مباشر و ده بيعتمد على قوة المحتوى إللى أنت بتقدمه


11- Algorithm 
   الوغارتم هو مصطلح بيطلق فى مجال التسويق الالكرتونى بشكل كبير ... و بيبقى عبارة عن مجموعة من المعادلات و الأرقام إللى بتحكم ظهور المحتوى إللى أنت بتنشره على أى من المواقع سواء موقع تواصل أجتماعى أو موقع عادى

12 - Hangout 
دى خدمة موقع جوجل بيقدمها عن طريق " جوجل بلس " و  عن طريق الخدمة دى بتقدر تعمل محادثة مع شخص أو أكتر من شخص فى نفس الوقت بس الفرق أنها بتكون محادثة فيديو ( صوت و صورة ) و ممكن تسجلها كمان

13 - News Feeds 
 المصطلح ده بيقصد بيه دايما الصفحة الرئيسية على أى موقع تواصل أجتماعى و إللى بيتم فيه نشر كل ما هو جديد سواء تم نشره بواستطك أنت أو أى من أصدقائك أو أى صفحة أخرى , بس بيختلف المسمى بتاعه من موقع لأخ يعنى فى الفيس بوك اسمه News Feeds بس فى تويتر أسمه Time Line


14 - social media optimization , SMO 
 المصطلح ده هو إللى بيلخص عملية التسويق عن طريق مواقع التواصل الأجتماعى , لأن ده معناه " هو مجموعة من التصرفات إللى بتم بغرض نشر منتجك أو خدمتك مستهدفا فئة معينة من العملاء مستغلا المحتوى إللى بتقدمه و بصورة المختلفة "


15- B2B 
 و ده أختصار Business To Business و معناه أنك بتكون شركة و بتستهدف بشغلك شركة تانية , يعنى العملية التسويقية بتم بين شركتين و ليس شركة و مستهلك

16 - Trend 
 هو أتجاه أو نزعه أتجاه شئ معين و بتستخدم على الأنترنت لرصد أتجاه الناس فى فتره معينه على شئ معين و من أكتر المواقع إللى بتهتم بالمصطلح ده هو موقع تويتر ........ مثلا ممكن نلاقى فى ماتش برشلونة و ريال مدريد الناس بتتفاعل على كلمة " Classico " و فى اللحظة دى بتعتبر الكلمة دى تريند و قيمة كل تريند بتزيد كل لما تفاعل الناس عليه بيزيد



17 - Analysis OR Insights
الكلمتين معناه الأحصائيات أو التحليل إللى أنت بتقوم بيه لمجال شغلك أون لاين و بتبقى أهم الحاجات إللى بتكون عامل مشترك فى كل الأحصائيات على مواقع التواصل الأجتماعى " عدد المتابعين , نسبة تفاعلهم معاك , المحتوى بتاعك بيوصل لناس قد أيه "

18 - Share of Voice 
 هو مدى أنتشار أسم المنتج بتاعك على الانترنت , و بيتم قياسها دايما حسب عدد مرات ذكر أسم منتجك فى أى حوار بين الناس فى مواقع التواصل المختلفة

19 - Social customer service 
 هو خدمة العملاء بس عن طريق السوشال ميديا , علشان كده هتلاقى نفسك بتلتزم بردود بطريقه معينة فى أسرع وقت على عملائك و الأهتمام بهم أول بأول


20 - Spam 
 هى من أشهر الكلمات المتداولة على الأنترنت و بتوصف أنتشار رسائل و كلام على الأنترنت بشكل مكثف فى وقت قصير بدون أستئذان


21- Viral 

 هو الأنتشار الفيروسى , و المصطلح ده بيوصف شكل انتشار أى محتوى بتقوم بنشره على الأنترنت , و الكلمة وصفت نفسها بنفسها و بيكون أنتشار المحتوى ده بشكل كبير و بسرعة و بيعتمد أن المحتوى يكون بيعتمد على فكرة بتجذب تفاعل الناس و ده بيزود أنتشار المحتوى زى مثلا أعلان Volvo إللى عمله فاندام


22- Bid 

 معناه مناقصة أو مزايدة و دى هتلاقيها لما تيجى تعمل أعلان و ساعتها هيطلب منك تحدد ال bid إللى هتدفع على أساسه الفلوس و بيتم حسابه حسب نوعين و هما Per Click أو Per Impression


23 - Per Click 

 الاعلان هنا بيكون حسب الضغطات إللى بتم على الأعلان بتاعك يعنى مقابل كل ضغطه بيتخصم من رصيدك المبغ إللى أنت حددته فى الل Bid

يعنى مثلا بتحدد مثلا أن الضغطة هتكون ب 0.01 $ يعنى بسنت واحد و كل ضغطة هتبقى بسنت

24 - Per Impression  

 بيبقى حسب مرات الظهور , يعنى حسب عدد مرات ظهور أعلانك بيتم الخصم من رصيدك و بيتم دايما حسابها بال 1000 ظهور و لكل ألف ظهور أنت بتحدد ال Bid , يعنى مثلا الأعلان بتاعك هيظهر ألف مره و الألف مره دول هيكونوا مثلا ب 0.05 $ و نوع الأعلان ده ليه أستخدماته برضه بس لازم بكون مدروس قبل ما تبدأ فى تنفيذه


25 – EdgeRank
دى بعتبر الطريقة إللى الفيس بوك بينظم بيها ظهور أى بوستات على الNews Feeds   و برضه بيبقى أسمها Facebook Algorithm  و ده لأن مش هينفع كل حاجة بتتنشر على الفيس بوك تظهر لكل الناس
و من أهم عوامل ظهور أى بوست للناس
-          نوعية البوست سواء كان بوست صورة بس , بوست نص بس (Text ) , فيديو .... أو على حسب ما أنت بتختار
-          ميعاد البوست
-          كمية الكلام المكتوب مع البوست

 
EdgeRank
EdgeRank

---------------------------------------------------

هستنى رأيك فى الكلام ده و لو فى حاجة مش واضحة ياريت تقولى عليها علشان نوضحها بشكل أحسن 
و تقدر توصل لباقى سلسة المواضيع عن طريق الموضوع ده  




تقدر تعمل شير للموضوع ده و تفيد بيه غيرك :) 

و طبعا هتبقى فعال أكتر لو أتفاعلت معايا على الهاش تاج ده 

#أزاى_تبقى_بتاع_سوشال_ميديا  

#بتاع_سوشال_ميديا 


#SocialMedia_MohamedGomaa