السبت، 23 مايو، 2015

أزاى تعمل أستراتيجى ؟؟

سوشال ميديا - Social Media
سوشال ميديا - Social Media

يعنى أيه استراتيجى

و أنت بتعمل تسويق لمنتجك أو خدمتك ... هتحتاج تعمل تسويق أون لاين و هتستخدم سواء الموقع بتاعك أو هتستخدم مواقع التواصل الأجتماعى


و فى كل الأحوال علشان تضمن نتيجة كويسة و مضمونة لازم يكون عندك Strategy

و علشان بيبقى ساعات فيها لغبطة ... هو أيه الفرق بين ال Strategy و ال Plan ؟؟



ال Strategy >>> هى الخطة ككل
ال Plan >>>>  هى طريقة تنفيذ ال الخطة

---------------------------------------

وضع Strategy بيتلخص فى 3 نقاط و هم

1- Set your Goals & Objectives
2- How You will achieve these goals
3- KPIs

-------------------------

هنتكلم عليهم نقطة نقطة

أول حاجة أهدافك لازم تكون SMART

S= Specific
يعنى الهدف بتاعك يكون محدد و واضح

M= Measurable
الهدف بتاعك لازم يكون قابل للقياس

A=Achievable
يعنى الهدف لازم يكون قابل للأنجاز

R= Realistic 
يعنى حاجة واقعية ممكن تتحقق

T=Time 
يعنى يكون ليه أطار زمنى يتحقق فيه



---------------------------------------

مجرد أنك تحدد أى هدف لشركتك سواء أون لاين أو أوفلاين طبق عليه الخمس معايير دى و شوف هل الهدف ده متوافق معاهم ولا لأ

و يفضل و أنت بتكتب كل هدف تكتب دايما معاه " ليه الهدف ده بالتحديد أو السبب لوجوده "
*مثال .. الهدف بتاع شركتى أنى أقدر أوصل ل 100 عميل كل شهر و لمدة سنة
- السبب : لأنى لو وصلت للعدد ده هقدر أكون قاعدة من العملاء بتتكون من 1200 عميل سنويا و بما أنى بكسب من العميل 10 جنيه بالتالى الربح بتاعى هيكون 12000 سنويا


^ تحديد أهدافك صح + وضع سبب مقنع للهدف ده بيسهل من عملية تحقيقه  ^




========================

بعد كده بتبدأ مرحلة جديدة و هى أزاى هحقق الاهداف دى , و أيه هى الوسيلة إللى هحقق بيها أهداف شركتى

و بما أننا بنتكلم عن السوشال ميديا هنعتمد فى تحقيق الأهداف دى على السوشال ميديا
و دى خطوات تحقيق أهدافك على السوشال ميديا

- أختيار شبكة تواصل أجتماعى تناسب عملك
يعنى لو أنت شغلك بيعتمد على الصور هيكون Instagram هو أفضل أختيار ليك
و لو أنت بتعتمد على الشرح بالفيديو مثلا هيكون ال Youtube هو أفضل وسيلة لتحقيق هدفك


ممكن تستخدم أكتر من Social Network  عادى طول ما الشبكة دى بتخدم تحقيق هدفك بس بلاش تشتت نفسك و تشتغل على كله الشبكات مره واحدة
ركز أنت هتتعامل عن طريق أيه

لأن ده مهم جدا حسب الفئة المستهدفة إللى أنت شغال عليها " Targeted Audiences "  يعنى مثلا لو الناس إللى أنت عايز تبيعلهم خدمتك أو منتجك مش بيستخدموا Twitter يبقى ليه تضيع وقتك و مجهودك عليه

و طبعا أهم حاجة لازم تجهزها كويس هى ال content يعنى المحتوى إللى هتنشره على أى موقع تواصل لاوم يكون منظم متحضر كويس جدا و بيخدم أهدافك
يعنى تختار هتنشر صور بس ولا صور و معاها شرح ولا صور و فيديو ...... etc





أخر حاجة هى ال KPIs


طبعا لو أنت محدد أهدافك كويس هتقدر تقيسها كويس و تقدر تقيس مدى تطورك و تحقيقك لأهدافك كويس و على السوشال ميديا بيكون سهل أوى انك تشوف نتيجة شغلك عن طريق ال Analysis Tools الموجودة فى أى موقع تواصل أجتماعى و من أشهرها ال Insights إللى فى أى صفحة على الفيس بوك 






--
تقدر تراجع سلسة " أزاى تبقى بتاع سوشال ميديا " من الأول و تستفاد بحاجات كتير 

هستنى رأيك فى الكلام ده و لو فى حاجة مش واضحة ياريت تقولى عليها علشان نوضحها بشكل أحسن 
و تقدر توصل لباقى سلسة المواضيع عن طريق الموضوع ده  




تقدر تعمل شير للموضوع ده و تفيد بيه غيرك :) 

و طبعا هتبقى فعال أكتر لو أتفاعلت معايا على الهاش تاج ده 

#أزاى_تبقى_بتاع_سوشال_ميديا  

#بتاع_سوشال_ميديا 


#SocialMedia_MohamedGomaa