الأحد، 24 مايو، 2015

10 نصائح لأى حد بتاع سوشال ميديا

سوشال ميديا - Social Media
سوشال ميديا - Social Media
10 نصائح لأى حد بتاع سوشال ميديا 

- أنت محتاج Strategy يعنى محتاج خطة تشتغل بيها و نقدر نلخص الخطة دى فى 3 حاجات هما ( الأهداف , طريقة تحقيق الأهداف دى طبعا مع توضيح الوسيلة , و أزاى هتحلل تقدمك و تقيس نجاحك ) ال3 حاجات دول أسمهم بالظبط
* Goals & Objectives
* Way To achieve Goals
*KPIs , Key Performance Investigator


- بعد ما عملت الخطة المناسبة .. ركز على هدفك كويس أوى و كثف كل مجهوداتك للتحقيق الهدف ده


- أنت محتاج تكون محتوى يخدم الخطة إللى أنت ناو تشتغل عليها , يعنى الكلام أو الصور أو الفيديو أو أىا كانت صيغة المحتوى لازم يكون بيخدم تحقيق الأهداف إللى أنت حددتها

- فكر كويس جدا قبل ما تختار موقع التواصل الأجتماعى إللى تناسب مجال شغلك يعنى مثلا لو أنت عندك مطعم ساعتها هيكون عندك صور كويسة للأكل و هتعتمد على الصور فهيكون الأفضل ليك أنك تستخدم الفيس بوك و أنستجرام
, كل مجال و له ال Platform المناسبة ليه


- حدد عملائك مظبوط , لازم تكون الفئة المستهدفة إللى أنت ناوى تشتغل معاهم لازم يكونوا محتاجين منتجك فعلا و بيكون يناسبهم .. مثال على ده لو أنت عندك محل ملابس و بتبيع تيشرتات تناسب الشباب الذكور إللى أعمارهم بتتراوح من 16 ل 30 سنة و المحل بتاعك فى مصر الجديدة , أكيد ساعتها لما تيجى تتكلم معاهم على الأنترنت لازم تتكلم معاهم بلغتهم و بالطريقة إللى تناسبهم و لازم و أنت بتوجه رسائلك الأعلانية لازم تكون بتستهدف الناس دى لأن ده هيحققلك ربح أفضل



- لازم التصميمات الخاصة بصفحتك تكون معمولة بأحتراف و منظمة صح سواء كألوان أو وضع الصور داخل التصميم , ال Cover Photo أو ال Profile Picture مهمين جدا لأنهم بيعتبروا أول حاجة أى حد بيشوفها أول لما يدخل على الصفحة بتاعتك

- صاحب العملاء إللى عندك , فكر دايما أزاى تخلى الفانز إللى عندك يكونوا زى أصحابك

- أوعى تكون زى الأنسان الألى ... أزاى يعنى ؟؟؟ ... , أقولك و أنت بتتعامل مع الناس أون لاين و بالذات على مواقع التواصل الأجتماعى إللى المفروض أن الناس بتتكلم عليها بحريتها .. لازم تكون طريقتك و ردودك عليهم سهلة و واضحة و باللغة إللى هما بيتكلموا بيها

- أوعى تكون سبام , أوعى تستخدم أى وسيلة  بتقوم بالرد
بشكل أوتماتيكى إللى هو ال Auto Response

- فكر viral : فكر أزاى لما تنشر أى حاجة تنتشر بسرعة و فى كل مكان و الفكرة الviral بتعتمد على " سهولتها , وضحها , أبتكارها , بتجمع فئات متستهدفة كتير فى رسالة واحدة ) يعنى علشان فكرتك تنتشر بشكل فيروسى على أوسع نطاق لازم تكون حاجة جديدة ماحدش عملها قبل كده



- أوعى تعمل أى غلطات أملائية : خلى بالك و أنت بتكتب أى حاجة و راجعها كويس أوى قبل ما تنشرها




---------------------------------------------------------
تقدر تراجع سلسة " أزاى تبقى بتاع سوشال ميديا " من الأول و تستفاد بحاجات كتير 

هستنى رأيك فى الكلام ده و لو فى حاجة مش واضحة ياريت تقولى عليها علشان نوضحها بشكل أحسن 
و تقدر توصل لباقى سلسة المواضيع عن طريق الموضوع ده  




تقدر تعمل شير للموضوع ده و تفيد بيه غيرك :) 

و طبعا هتبقى فعال أكتر لو أتفاعلت معايا على الهاش تاج ده 

#أزاى_تبقى_بتاع_سوشال_ميديا  

#بتاع_سوشال_ميديا 


#SocialMedia_MohamedGomaa