الأربعاء، 20 مايو، 2015

اليوتيوب و أسباب ال 301 مشاهدة

اليوتيوب و أسباب ال 301 مشاهدة
اليوتيوب و أسباب ال 301 مشاهدة 




طبعا كلنا بنتعامل مع اليوتيوب يوميا …… مننا إللى بيتفرج بس على الفيديوهات أو بيستخدم اليويتوب فى #التسويق لشغله
و بناخد بالنا دايما أننا بنلاقى أن عدد المشاهدات لبعض الفيديوهات بيقف عند عدد " 301 مشاهدة "



تعالوا نبدأ رحلة أى فيديو على اليوتيوب من البداية
... هنفترض دلوقتى أننا هنعمل فيديو عن " السوشال ميديا " و هنرفعه على اليوتيوب
و أحنا عايشين فى مصر .... فى الحالة دى الفيديو هيترفع على أقرب سيرفر ليك !!!


أيه حكاية السيرفر دى ؟؟

طبعا موقع زى اليوتيوب موقع كبير جدا جدا جدا و السعة التخزينية لمحتوى الموقع و إللى هو الفيديوهات بيبقى عايز نوع مختلف من الأستضافات أو السيرفرات

و أيضا لتسهيل و تسريع عملية التفاعل على الموقع ... اليوتيوب عامل أكتر من مركز   لقاعدة البيانات حول العالم

و بالطريقة دى أنت بترفع الفيديو بتاعك على أقرب مركز قاعدة بيانات ... و المركز ده بيقوم بدوره و هو أرسال الفيديو لباقى المراكز فى نفس الوقت ليتيح لباقى الناس أنها تشاهد الفيديو فى نفس الوقت فالعملية بتتم بالشكل ده و هى علاقة " رايح - جاى "

طيب أيه علاقة ده بعملية رفع أو نشر أى فيديو على اليوتيوب ؟؟؟

هنرجع تانى للفيديو بتاعنا ... .... بعد لما الفيديو بيتم نشره على اليوتيوب بيبقى متاح أن الناس تشاهد الفيديو من أى مكان فى العالم
و اليوتيوب علشان يضمن أن المشاهدات إللى بتيجى على أى فيديو تكون مشاهدات حقيقة مش سبام مثلا بيعمل حاجة كويسة أوى و ده حسب كلام
 " تيد هاميلتون " أحد المديرين المتخصصين بالتحليل فى اليوتيوب

عملية قياس عدد المشاهدات بطريقة يدوية أو عن طريق الأفراد طبعا هتكون عملية شاقة جدا و هيكون فيها أخطاء كتير جدا

علشان كده لازم تتم بشكل عملى أكثر Automatic يعنى بس تحسبا لأى أعمال غير شرعية أو سبام

و زى ما قولنا أن علاقة مراكز البيانات بتبقى " رايح - جاى " فعدد المشاهدات إلى بتيجى من أى مركز بيانات تانى بتعدى و تتجمع فى مركز بيانات رئيسى

علشان كده اليوتيوب بيوقف عدد المشاهدات عند عدد 300 و بيخضع الفيديو لمعادلة ما معناها " 300 + 1 " أى أن كل مشاهدة بعد ذلك بيتم تسجيلها مشاهدة تلو الأخرى و ليس كمجموعة كما حدث لأول 300 مشاهدة


و من أهم العوامل إللى اليوتيوب بيقيس عليها لبمشاهدات أيضا ……

- أنت شاهدت فترة قد إيه من الفيديو.. يعنى مثلا فيديو 15 دقيقة و أنت شفت 30 ثانية بس ... دى ممكن ما تعتبرش مشاهدة

- لو نفس ال IP شاهد الفيديو أكتر من مره المشاهدات دى كلها مش بتتحسب

- مش مجرد أنك تعمل refresh أو reload للصفحة بتاعة الفيديو أن دى هتتحسب مشاهدة جديدة .. بالعكس خااااالص






دى مجموعة من الصور إللى بتشرح العملية بشكل أفضل

اليوتيوب و أسباب ال 301 مشاهدة
اليوتيوب و أسباب ال 301 مشاهدة 

اليوتيوب و أسباب ال 301 مشاهدة
اليوتيوب و أسباب ال 301 مشاهدة
اليوتيوب و أسباب ال 301 مشاهدة
اليوتيوب و أسباب ال 301 مشاهدة
اليوتيوب و أسباب ال 301 مشاهدة
اليوتيوب و أسباب ال 301 مشاهدة
اليوتيوب و أسباب ال 301 مشاهدة
اليوتيوب و أسباب ال 301 مشاهدة 







تقدروا تتابعوا القناة بتاعتى على اليوتيوب من الينك ده 


و ده فيديو ممكن يعجبكم عن " ليه تعمل بيزنس بيعتمد على الستات ؟؟



و دى فيديوهات هتفيدك لو أنت لسه جديد على اليوتيوب 

كيفية التسجيل على موقع اليوتيوب - الشرح باللغة العربية
ِشرح كيفية رفع الفيديوهات على اليوتيوب بالعربى 
كيفية الربح من اليوتيوب - للعرب و المصريين 




لو المقال ده عجبك تقدر تنشره و تشاركه مع الناس و ساعد غيرك يعرف أكتر 

و لو تحب تعرف حاجات أكتر عن السوشال ميديا جرب تشوف الموضوع ده