الاثنين، 1 يونيو، 2015

ال Content السعيد !!

أزاى تعمل Content  سعيد ؟؟؟
Content
Content


ال Content إللى هو المحتوى يعنى زيه زي أى بنى أدم مننا بيحب يشوف الأبتسامه على وش إللى حواليه و بمجرد أنك تشوفه و تبتسم و تحس بنفس الراحة و الأنتعاش بعد حاجة ساقعة فى عز الحر 

و السعادة دى بتزيد لما بيوصل للناس الصح فى الوقت الصح بالطريقة الصح .... بس كل ده جميل جدا
أزاى بقى نعمل محتوى سعيد و مبسوط ؟؟

أنا هقولك على  20 نصيحة أزاى تعمل محتوى سعيد يفرح كل الناس



1-    حدد أنت هتتكلم فى أيه الأول و يفضل تحدد تتكلم فى مجال محدد و يفضل تكون حاجة أنت بتفهم فيها كويس و برضه يفضل يكون مجال البيزنس بتاعك يكون مجال بيزنس محدد جدا و تقدر تشوف الموضوع ده هيفيدك أوى NicheMarketing   و ال Inbound Marketing 


2-    ابحث كويس عن الفكرة إللى أنت هتتكلم عليها و شوف الناس أتكلمت عليها قبل كده ولا لأ
3-    شوف ردود فعل الناس على المواضيع إللى فى نفس الفكرة .. سواء بالمدح أو الزم او الأستفسار
4-    حدد أنت هتكتب المقال ده لمين ؟؟؟ ... يعنى هتكتبه لشباب ولا لناس كبيرة ؟ هتكتب لناس متخصصة ولا هتكتبه لناس مبتدأه مثلا
5-    حدد اللغة و الطريقة إللى هتكتب بيها , يعنى مثلا هتكتب مقال بالعربى ولا بالأنجليزى .... هتكتب باللغة العربية الفصحى ولا بالعامية .
6-    لازم تكون عارف أن المحتوى ده مش مجرد كلام و بس ... الContent   ده ممكن يكون صور , فيديو , لينك , صوت , أو مجرد نص ...  أو ممكن يكون خليط من كل ده
7-    يفضل و أنت بتكتب أى محتوى تبقى عارف أنك بتقدم قيمة و بتقدم أضافة .. يعنى لو عندك معلومة أو فكرة قولها مش هتخسرها ما تخافش
8-    قبل ما تنشر أى محتوى يفضل أنك تكتبه و تقرأه أكتر من مره
9-    و أنت بتكتب أى محتوى بلاش تاخد معلوماتك من مصدر واحد , لأننا قولنا أهم حاجة و أنت بتكتب المحتوى أنك هتبحث كويس عن الفكرة إللى هتكتب عنها يبقى لازم تكتب حاجة قيمة مش متكررة .
Content
Content
10-           و أنت بتجهز أى محتوى لازم تبقى فاكر أنك بتتعامل مع بشر و لازم تقدم القيمة و الزوار مش بالعدد و لكن بالجودة يعنى لو عندك 1000 زائر بيتفاعلوا على المحتوى بتاعك هيكون أفضل بكتير من 50,000 زائر موقعك بالنسبة لهم مجرد صفحة على الأنترنت


أول 10 نقاط كانت عن كتابة المحتوى بشكل عام , ال 10 نقاط القادمة هتكون بشكل فنى أكثر داخل عملية كتابة المحتوى

1-    أختار عنوان مميز يلفت أنتباه القراء
2-    قسم المحتوى بتاعك لفقرات و كل فقرة لها عنوان خاص بيها ( بيبقى مفيد جدا كمان فى السيو )
3-    يفضل أضافة صورة لكل فقرة أو جزء فى المحتوى إن أمكن
4-    الطريقة إللى بتكتب بيها المحتوى مش قاعدة , يعنى ممكن تغيرها من موضوع للتانى و ده لسببين مهمين جدا و هم ( ممكن تكون طريقتك مش بتعجب الناس المهتمين بإللى أنت بتكتبه , و  ممكن تعتبره من باب التغير )
5-    لازم كل موضوع بتكتبه يكون بيراعى السيو بتاع الموقع ككل و الموقع ده فيه سيو صح هيفيدك كتير


Content SEO
Content SEO


6-    مهم أوى و أنت بتكتب أى محتوى أبقى مهد للناس الأول أنت هتتكلم عن أيه مش مجرد معلومات و خلاص
7-    المحتوى إللى بتكتبه بيجسد صورتك قدام الناس فيفضل يكون منظم و مرتب و بنقولها تانى بيقدم أضافة
8-    أطلب رأى الناس فى إللى أنت بتكتبه , علشان تقدر تحقق النقطة إللى فاتت
9-    أستشهد بلينكات و مصادر قوية فى المحتوى بتاعك و لو واخد معلومة من مكن بفضل تقول المصدر
10-                    أهم نقطة لازم تعرفها و أنت بتكتب أى محتوى أن التجربة هى خير دليل يعنى جرب لحد ما توصل للطريقة المناسبة إللى بتناسب المهتمين بالمجال إللى أنت بتكتب فيه






فى الختام هنشارك مع بعض خطوات سريعة مبسطة لأنشاء محتوى جيد

Content Steps
Content Steps



1-    أعرف أنت هتكتب لمين بالظبط و أفهم ال Targeted Audience   بتاعك كويس
2-    حدد الصيغة و السياق إللى هتكتب بيه
3-    أكتب المحتوى
4-    أنشر المحتوى
5-    راجع المحتوى و قيم أداءه
6-    فكر أزاى تطور منه و فكر فى محتوى جديد يعجب ال Targeted Audience



و كده المحتوى هيكون سعيد جدا جدا لأنه وصل للناس الصح فى الوقت الصح بالطريقة الصح  
 --------------------------------------------------------------------------------

لو الموضوع ده قدملك أضافة جديدة ممكن تشاركه مع الناس و تفيد بيه ناس أكتر و لو شايف أن ممكن 
يتقدم فيه حاجة أكتر قولى J