الأحد، 7 يونيو، 2015

أيه هو تويتر فى 31 نقطة سريعة


أيه هو تويتر فى 31 نقطة سريعة

Twitter - تويتر
Twitter - تويتر

عصر السوشيال ميديا .... هو عصر غريب يتميز بالتطور السريع و سيطرة عمالقة السوشيال ميديا سواء الفيس بوك أو تويتر أو يوتيوب أو جوجل بلس و غيرها الكثير من شبكات التواصل الأجتماعى المختلفة  
فى هذا المقال أشارك معكم بعض النقاط السريعة عن تويتر يمكنك أذا كنت مبتدأ فى مجال السوشيال ميديا أن تساعدك 


و يمكنك متابعة الكورس المجانى



هيفرق معاك كتير و هيساعدك تبدأ رحلة السوشيال ميديا بشكل بسيط و سهل 


دلوقتى نبدأ مع بعض ال 31 نقطة السريعة عن تويتر 

1)    تويتر هو موقع تواصل أجتماعى بيعتمد فى التواصل عن طريق نشر محتوى لا يزيد عن 140 حرف
 ( حروف + علامات + مسافات)

2)    على تويتر تقدر تنشر محتوى على شكل ( نص , لينك , صورة ) 

3)    تعمل فولو Follow لأى حد على تويتر زى كأنك بتعمله ADD على الفيس بوك كده

4)    تعمل Retweet يعنى كأنك بتعمل شير

5)    Favorite   يعنى كأنك عملت LIKE

6)    Reply يعنى كانك عملت Comment

7)    -يمكنك متابعة أى حساب على تويتر بمجرد انك تعمله Follow

8)    على تويتر تقدر تبعت رسائل عادى لأى حد و بيبقى أسمها Direct Message

9)    يوجد Lists على تويتر مثل ما توجد على الفيس بوك و يمكنك عن طريقها أضافاة حسابات لأشخاص معينة لمتابعتها

10)                      ال Trends و ده بيعتبر من أهم الأضافات فى تويتر و ده بيجمع أكتر الحاجات إللى الناس بتتكلم عليها على تويتر سواء بهاش تاج أو كلمة عادية


11)                       بعد ما بتعمل حساب على تويتر بتقدر تختار أسم مستخدم خاص بيك UserName يعنى يبقى خاص بيك أنت بس علشان يسهل أن الناس توصلك

12)                       تقدر على تويتر أنك تتواصل مع أغلبية الشركات و البراندات الكبيرة بشكل مباشر , و ده لسهولة التواصل فيه و بالذات عن طريق أنك تعمل Mention لأى حساب موجود على الموقع

13)                       أستخدام الهاش تاج فى تويتر هو شئ بديهى و مهم جدا و بيساعدك أنك توصل للناس أسهل و أسرع و تقدر تشوف المقال ده لمعرفة أشياء أكثر عن الهاش تاج 

أزاى تقسم شغلك و تستخدم فيه الهاش تاج فى السوشيال ميديا 


14)                       أهم حاجة بعد ما تعمل حساب على تويتر أنك تكتب الجزء بتاع ال Bio إللى هو معلومات عنك يعنى بشكل ملخص و منظم و صادق و صريح

15)                       و أنت بتكتب ال Bio بتاعتك تقدر تكتب الكلمات المهمة و الأبرز و إللى بتوضح مجال شغلك على شكل هاش تاج , ده هيساعد الناس توصلك أفصل

16)                      المفروض أنت و أنت بتعمل حسابك أو حساب شركتك على تويتر تكون محدد هتستخدمه لأيه ... يعنى لو عاملة للشركة أو لغرض بيزنس يفضل يكون إللى بتكتبه متعلق بالمجال ده و بس بدون أى تجاوزات و لو أنت عامله على أساس أنه حساب شخصى يبقى ساعتها حقك تنشر عليه إللى أنت عايزه

17)                      لو أنت عامل حساب توتير لشركتك أو البزنس بتاعك ياريت بلاش تتفاعل و تكتب على أى هاش تاج تافه حتى لو فى ال Trends ... صدقنى هيبقى شكلك وحش

18)                      تقدر على تويتر تضيف الموقع بتاعك أو موقع شركتك و ساعتها بيظهر للناس بسهولة على الصفحة الخاصة بالحساب بتاعك

19)                      بلاش تعمل Follow لناس كتير و خلاص

20)                      يفضل كل فترة تعمل عملية فلترة للحساب بتاعك و تشوف أنت ما تفاعلتش مع مين من فترة كبيرة و تقدر تعمله UnFollow  عادى خالص

21)                      بلاش تستخدم أى Tool بتعمل رد فعل أوتماتيك إللى هى أسمها Auto Respond و خاصة فى الرسائل علشان هيكون رد فعل الناس  أنهم هيبعدوا عنك


22)                      تقدر على تويتر أنك تجيب ترافيك للموقع بتاعك و ده طبعا عن طريق نشر محتوى حصرى و محترم

23)                      مش لازم و أنت بتكتب أى حاجة تخلص على ال 140 حرف يعنى أستخدم تويتر بمنطق " خير الكلام ما قل و دل "

24)                      على تويتر تقدر تكون مسوق رائع لو قدرت توصل رسالة أعلانية واضحة و مشوقة فى أقل من 140 حرف

25)                      تويتر هيكون مفيد ليك أوى لشركتك لو نجحت أنه يكون حلقة وصل بينك و بين عملائك , لسهولة أنهم يتواصلوا معاك أو أرسال اى شكاوى على طريق Tweets هما بيكتبوها

26)                      تويتر عمره ما كان بالكمية يعنى مش كل يوم تنشر 50 تويته علشان توصل أكتر ... بالعكس خالص هو بقيمة إللى أنت بتكتبه بش بكميته

27)                      و أنت بتنشر أى لينك على تويتر تقدر تقصر الينك علشان ما يضيعش

28)                      عليك حروف كتير و خلاص و تقدر تعمل ده عن طريق أدوات كتير و منها
http://goo.gl/

29)                      " العلامة الزرقاء " هى علامة ال Verification و دى بتبقى جنب أى حساب معتمد على تويتر و بيبقى للشخصيات العامة أو للشركات

30)                      تقدر تستخدم أدوات خارجية لتسهيل التعامل على تويتر و منها Tweetdeck و HotSuit و الأدوات دى هتسهل عليك أنك تنشر أى tweets و كمان تتابع كل الأحصائيات الخاصة بالحساب بتاعك

31)                      و أنت بتعمل follow لأى حد يفضل تتابع إللى شغالين فى نفس المجال بتاعك






 هستنى رأيكم أو اسئلتكم 

و طبعا تقدروا تعملوا شير للموضوع ده و تفيدوا بيه ناس أكتر