الاثنين، 27 يوليو، 2015

الفيسبوك و الصفحات ال Global


ال Global Facebook Page
Facebook Marketing -  Global Page
Facebook Marketing -  Global Page


بنستغرب أحيانا لما نلاقى صفحات لبراندات كبيرة و اجنبية بتنشر بوستات بالعربى

بس ده عادى لأن الفيسبوك عامل خاصية ال Global Facebook Page
دى خدمة معمولة للبراندات الكبيرة المنتشرة حول العالم و إللى بتصرف حوالى 10,000 دولار شهريا يعنى 120,000 دولار سنويا و طبعا ده مبلغ كبير جدا  و نتيجة ده بيتم فتح هذه الخاصية للصفحات دى


و بتقدر تدير الصفحة عادى حسب كل دولة و تغير ال cover حسب كل دولة لوحدها و تنشر حاجات لكل دولة و كل منطقه لوحدها
و ببيكون لكل النسخ دى نفس ال URL و طبعا نفس ال username و بمجرد أن المستخدم لما يدخل على الصفحة بيتحول على طول للصفحة الخاصة بالمنطقة أو الدولة إللى هو فيها

و لو مش معمول نسخة خاصة بالمنطقة دى بيتحول أوتماتيك للنسخة الدولية إللى هى ال Global
 
Facebook Global Page
Facebook Global Page



Facebook Global Page
Facebook Global Page


و ده ضمن فكر بيحاول الفيسبوك يشتغل بيه و هو أنه يوفر بعض الخدمات المدفوعة للشركات الكبيرة حول العالم

و ده حسب كلام Sheryl Kara Sandberg المديرة التنفيذية للعمليات بالفيسبوك

إللى قالت أن الفيسبوك بيسعى أنه يوفر بعض الخدمات الPremium سواء مدفوعة أو مميزة للشركات و البراندات الكبيرة

و ده لتسهيل عملية التعامل مع الصفحات لأن هيكون من الصعب جدا أدارة براند له تواجد فى أكتر من 20 دولة أو منطقة و أكثر من لغة


و أخر البراندات مثلا إللى بدأت تنشر نفسها فى الشرق الأوسط و باللغة العربية كان Soundcloud و بتقوم شركة Kijamii بأدارة الحساب الخاص بيه على الفيس بوك لمنطقة الشرق الأوسط



و كمثال للنوع ده من الصفحات هنلاقى الصفحة الخاصة بال Facebook Marketing هنلاقى النسخة الخاصة بأنجلترا و النسخة الخاصة بفرنسا كل صفحة ليها ال Cover و ال Profile Picture الخاصة بيها 

Facebook Marketing -  Global Page
Facebook Marketing -  Global Page



تقدر تشوف الموضوع ده لو عايز تعرف أزاى تعمل Content  سعيد ؟؟؟
و لو لسه مبتدأ فى السوشيال ميديا تقدر تبدأ من هنا كورس مجانى للمبتدئين - أزاى تبقى بتاع سوشال ميديا