الثلاثاء، 7 يوليو، 2015

التسويق فى مصر بين الحقيقة و الأبتذال

التسويق فى مصر بين الحقيقة و الأبتذال
التسويق فى مصر بين الحقيقة و الأبتذال 



نعلم سيادتكم أننا فى عام 2015 و مازال يوجد بعض البشر من بعملون فى مهن لا تتعلق بهم ولا يتعلقون بها .. ولا تليق بهم ولا يليقون بها

أحنا فى سنة 2015 و أصبح من الواضح للجميع دور التسويق ( الأعلانات حسب فهم الكثير من الناس ) و إللى بيوضح الدور ده أكتر هو أنتشار السوشيال ميديا و طرق التواصل المختلفة إللى بقت تسهل أنتشار المعلومات أو الأخبار أو الأفكار


فى المقال ده هناقش معاكم فكرة أنتشار العمل بالتسويق و الفهم الخاطئ لمجال من أهم المجالات و أهم الأقسام  فى أى شركة فى العالم بس نقدر نقول فى العالم عدا مصر

نقول فى الأول بس أن ‏التسويق مش علم الواحد أتنين تلاته ، التسويق علم الفهم و التطبيق ، لأن لو الكل أتعامل معاه بمنطق الخطوات و الأنماط الثابته هيخرج بره منطقة الأبداع و إللى هى أصلا قلب التسويق ، هتكون مسوق شاطر لو تقدر تفهم ده ليه حصل و حصل أزاى و كان ممكن يحصل أحسن من كده أزاى و أزاى برضه نطور من إللى حصل ده

طبعا فى قواعد أو مفاهيم ثابته بتسهل من العملية ككل بس أنا شخصيا مش مايل ناحية أننا نتعلم التسويق كنقط أو خطوات ثابته ورا بعضها.  ممكن نتعامل مع التسويق كأنه وجهة نظر
زى المقال ده برضه ممكن يعتبر وجهة نظر

التسويق بيتقسم إلى " تخطيط + تحليل+ تنفيذ + تحليل + أختيار أفضل الخطط + تحليل + أستمرارية على خطوات ثابته ) علشان كده هو وجهة نظر بتحتمل الصواب أو الخطأ

أنا شخصيا مقتنع أن فى مصر فى أساسيات كتير فى العلم ده لازم ندركها كويس و بعد كده التفاصيل التكميلية هتكون سهلة و منطقية يعنى لو فهمنا و أدركنا ما هو التسويق بكل أشكاله و أوجه تنفيذه هنقدر نفهم أزاى نحلل أو نعمل أستراتيجى أو أى نشاط تسويقى أخر



العملية التسويقية مثلا بتعنى الأستمرارية يعنى لازم تحترم قدراتك لأنك مش هتقدر تشتغل بنفس المقدار على طول و أنك تشتغل بنفس الجهد و تحقق نفس النتائج ده شئ صعب

لازم يكون عندك مرونة و موازنة و هى دى أحد متع التسويق

و لازم تحترم قدراتك علشان توصل لأعلى أداء لأن التسويق عملية مستمرة بدون توقف و العملية دى بتحتاج دايما " تخطيط + تحليل + متابعة + تحديث "علشان تقدر تتحكم فى ال TEMPO  


طيب مصر فيها كام نوع من التسويق ؟؟

فى مصر الغالبية العظمى فاهمة التسويق غلط و بيغتذلوه فى أعلان أو بانر فى الشارع
علشان كده الشركات إللى بتقوم بالتسويق لنفسها فى الغالب بتقوم بحاجات غربية

أنا شخصيا مقتنع أن أفضل تسويق هو إللى الشركة بتقوم بيه لنفسها مش إللى بتجيب شركة متخصصة فى التسويق تعمله
لأنه يفضل شركات الأعلانات و التسويق تبقى مهمتها مساعدة الشركات الصغيرة و المتوسطة و أحيانا بعض الشركات الكبيرة


بس إللى حصل فى رمضان و التحليلات الجبارة لأعلانات رمضان يخلى الواحد يتعجب أن مجال التسويق أصبح بالسوء ده

لازم نعرف أن مش شرط تكون شغال فى شركة تسويق أو أى وكالة أعلانية علشان تبقى فاهم فى التسويق .... بس برضه ده مش معناه أنك تحلل و تتريق على أى حملة تسويقية لأى منتج أو براند

و ده لأبسط الأسباب و هو أنك علشان تقيم أى حملة تسويقية لازم تكون عارف الهدف الرئيسى منها و الفئة المستهدفة منها علشان تعرف تقيم هى نجحت ولا لأ .

أو تكون متابع البراند ده من فترة و عارف تحركاته فى السوق ماشية أزاى

و الدليل على ده حملة فودافون إللى عملتها من فترة و أستخدمت فيها شخصية " أساحبى "  ساعتها ناس كتير أنتقدت الحملة دى بس الحقيقة الحملة دى كانت مستهدفة ناس من طبقة معينة بعقلية معينة فى وقت معين


 أعلانات رمضان
 أعلانات رمضان




و من أكتر الحاجات إللى بتوضح و تأكد على أهمية التسويق فى أى شركة هو إللى بتعمله بروكتر أند جامبل P&G طبعا كلنا عارفيناها ... لو ما تعرفهاش ممكن نبقى نتكلم عنها مره تانية
بس بأختصار بروكتر أند جامبل بتعتبر من أكبر الشركات على مستوى العالم و بتملك العديد من الماركات العالمية من منتجات أساسية و محورية فى حياتنا اليومية
و علشان كده بتخصص فريق متخصص فى كل من مراكز توزيعها الكبيرة و الفريق ده أسمه '' Customer Development Teams '' يعنى ده فريق مسئول عن تطوير العلاقة بين الشركة و المستهلك
الفريق ده بقى بيضم ناس متخصصين فى عدة مجالات و هى التحليلات المالية ، متخصصين فى أدارة العمليات ، و متخصصين فى البيع و التسويق علشان يقدروا يوصلوا لأفضل طريقة للتعامل مع المستهلك
و كل ده ضمن مفهوم أن أقسام الشركة كلها بقت فى خدمة التسويق إللى هو بيسعى لراحة الزبون. 


فى فرق كبير أوى بين أنك تكون شغال فى شركة تسويق و بتعمل حملات تسويقية لشركات تانية أو أنك تكون صاحب بيزنس أو شغال فى شركة و مسئول عن التسويق لمنتج واحد بس

بحب دايما أقول أن :-
" التسويق هو تصرف لأدراك غاية طويلة الأمد أو قصيرة الأمد "
أو
" اعراب كلمة التسويق : أنه فعل مضارع يعنى مستمر "


  

Ø     علشان ما يبقاش الكلام مجرد سرد بدون عرض مشكلة أو موقف محدد أو عرض حل ... الجزء إللى جاى هيكون على شكل نقاط سريعة علشان الفكرة تكون واضحة



-         التسويق بيعتمد على التجربة و خبراتك هتزيد على حسب تجربتك مش بيعتمد بس على قدر العلم
-         فيليب كوتلر أشهر رجال التسويق على مستوى العالم بس برضه الكتب بتاعته مش هى المرجع الأول و الأخير فى التسويق أو أى كتاب فى العالم لا يعتبر مرجع نهائى
-         متابعة ال case studies  بتاعة أى شركة شئ مهم جدا بس بلاش يبقى زى المسلسلات بتاعة رمضان نشوفها و خلاص ... لازم نستفيد من أى تصرف الشركات بتقوم بيه
-         الأستراتيجية التسويقية دى قلب الشغل يعنى مش هتعرف تشتغل من غيرها و طول ما هى مش معاك يبقى ما تعرفش تحكم على أى شغل تسويقى
-         لازم نتعامل مع الأعلانات على أساس أنها رسائل و طرق للحوار مع العملاء المحتملين أو حتى العملاء الفعلين و الحقيقين
-         بلاش نتعامل مع الأعلان كأنه أمر بالبيع و لازم أن أى حد يشوف الأعلان يشترى المنتج بتاعى أو ينفذ كلامى 
-         السوشيال ميديا ماركتنج Social Media Marketing   ما هى إلا مجرد أداة فى العملية التسويقية .... أداة بتخدم تحقيق الأستراتيجية إللى موضوعة للشركة
-         الديجتال ماركتنج Digital Marketing   برضه جزء من العملية التسويقية و لازم تخدم أهداف الشركة, أحيانا ممكن نعمل حملة تسويقية عن طريق الديجتال بس و تكون بتهدف لحاجات معينة مش شرط تكون بتتنفذ أوفلاين ... بس ده برضه مش دايما
-         أى بنى أدم فى الدنيا عنده حاجات و رغبات و ده دور المسوق أنه يتعامل معاهم
-         الزبون أو العميل بتاعك مش فريسة و لازم تأكلها بسرعة ...  بالعكس خالص ده أكتر واحد لازم تعامله بالراحة و تفهمه كويس علشان يفضل معاك على طول
-         مافيش حاجة أسمها الزبون دايما على حق بس أنت بتحتاج أحيانا تدعم الزبون فى قراراته علشان يحس أن القرار ده بتاعه هو
-         التسويق هو مجموعة من التصرفات لأدراك غاية ممكن تكون طويلة الأمد ( و بتبقى غالبا لما بتكون بترسخ قيمة معينة عند الناس ) أو قصيرة الأمد و دى لما يكون الغرض منها البيع مثلا أو رد فعل سريع من الزبون
-         أخيرا و ليس أخرا العملية التسويقية بتضمن الكثير من الانشطة منها البحوث التسويقية و التخطيط و التحليل و الأعلان و كل حاجة أو كل مرحلة مرتبطة بالتانية مش معزولة بنفسها

-------------------------------------------------------------

 لو تحب تشوف مجموعة من ال ScreenShots لأعلانات رمضان 
تقدر تشوف الموضوع ده " أعلانات رمضان 2015 "



هستنى رأيك فى الموضوع ده و لو عجبك تقدر تعمل شير و توصله لناس أكتر :)