الثلاثاء، 8 ديسمبر، 2015

7 أسباب لأستخدام الفيديو

لما يكون المحتوى فيديو

7 أسباب لأستخدام الفيديو


طبعا كلنا عارفين المقولة الشهيرة " Content Is The King " أو يعنى المحتوى هو الملك و أنه أهم حاجة تقدر تسوق بها خدماتك و منتجاتك

بس فى الفترة الأخيرة نقدر نقول أن فى طريقة جديدة فى عرض المحتوى بدأت تاخد مكانة أكبر فى السوق و هى الفيديو .


الفيديو بدأ يحصل على أهتمام كبير سواق من الموقع الكبيرة زى الفيسبوك إللى بيطور فى طريقة عرض الفيديو بإستمرار
أو طبعا العملاق الكبير " اليوتيوب " و إللى فى صدد أنه يبدأ جزء جديد فى الموقع و هيكون للحسابات المدفوعة و إللى هيتيح لصاحب الحساب ده أنه يشوف حاجات ماحدش غيره يقدر يشوفها زى القنوات المشفرة كده بالظبط بس بقت أونلاين


أنهارده هنتكلم عن 7 أسباب ليه لازم تزود نسبة الفيديو فى المحتوى بتاعك



- الفيديو بيضمن ليك بقاء الزائر فترة أطول سواء على صفحتك أو على الموقع بتاعك و ده لأن المستخدم العادى بيقضى حوالى ساعتين بيتفرج على فيديوهات أونلاين و ده معدل أكبر من الأستخدام العادى لمواقع التواصل الأجتماعى و إللى بيوصل ل ساعة و 44 دقيقة و نتيجة للأرقام دى فى حوالى 68% من المسوقين فى الولايات المتحدة سيتحهوا لأستخدام الفيديو فى المحتوى الخاص بهم


1-  الفيديو بيكون أسهل أن يخلق حالة بينك و بين المستخدم بسبب المؤثرات إللى تقدر تستخدمها سواء صوت أو صورة و خاصة لو كانت الرسالة قصيرة زى الأعلانات إللى وقتها لا يتعدى 30 ثانية فى أغلب الأوقات .. و ده بيظهر نتيجته كويس جدا لما بيكون فى أعلان فيديو و قوى بيتم مشاركته بأستمرار و أستخدامه بطرق أخرى فى صناعة المحتوى و أكبر مثال على ده فى مصر كان أعلان " كرانش "بتاع " أسكتشيزر "


2-  الفيديو عنده قدرة جبارة أنه يعملك Branding  و يرسخ أسمك و خدماتك فى دماغ المستخدم , يعنى مثلا شوف أعلانات شوكلاته Galaxy إللى لونها بنى ممكن ما يكنش بتقال أسم الشوكلاته كتير , بس هتلاقى أن اللون الغالب فى الأعلان سواء فى اللبس أو الديكور هتلاقيه اللون البنى ,
أو مثلا عدد مرات إللى بيتقال فيها أسم منتجك فى الأعلان بيكون كام مرة فى ال 30ثانية مثلا


3- الفيديو عنده القدرة أنه يزود وعى الناس و أدراكهم لمنتجك بنسبة 74% و الدليل على ده أن اليوتيوب بيعتبر تانى أكبر محرك بحث فى العالم بعد جوجل و بيعتمد على الفيديو بس


4- فى الأسبوع الواحد المستخدم العادى بيتفرج أو بيواجه حوالى 17 دقيقة من الأعلانات الفيديو ,  و 75% من التنفيذين و المستخدمين يشاهدون فيديوهات لها علاقة بالبيزنس الخاص بهم على الاقل مرة كل أسبوع


5- بالنسبة للتجارة الألكترونية الفيديو بيكون وسيلة فعالة جدا أنها تزود المبيعات حيث أن الموقع إللى بيستخدم الفيديو فى عرض منتجاته أو فى تقيدم العروض بيكون أنجح أنه يبيع بنسبة 64% و بالنسبة لمجال معين زى العقارات مثلا بيستقبل طلبات تفوق المعتاد بنسبة 400% لمجرد أنه أستخدم الفيديو فى الترويج لخدماته


6- لأن الحسابات بتكون مهمة جدا فى معرفة كفاءة أى حملة أعلانية من غيرها بيكون ال CTR بتاع أى حملة بتستخدم الفيديو أفضل على الأقل بمرتين أو ثلاث مرات من المعتاد يعنى لو أنت متعود تبيع قطعة واحدة بس من منتجك لو أستخدمت الفيديو هيكون متوقع أنك تبيع قطعتين أو ثلاثة , بجانب أيضا أن له قدرة أيضا على زيادة نسبة أشتراك المستخدمين سواء فى قائمتك البريدية أو صفحاتك على الأنترنت بنسبة 51%

7- و لأن الفيديو فعلا مهم فى بعض الشركات إللى بتقدم الخدمات زى أستضافات المواقع أو توصيل الأنترنت فى بعض الدول بأستخدام الفيديو فى الرد على أستفسارات العملاء و بتم العملية أن بعد ما العميل بيسأل سؤال بيقوم المختص بتسجيل فيديو فيه حل للمشكلة و بيرد بيه على العميل و ده كفيل أنه يحافظ على العميل بتاعك و أيضا يظهر شخصية منتجك أو خدمتك للناس .

تحديث الفيسبوك على الفيديوهات

 و مؤخرا الفيديو عمل تحديث جديد على الفيديو بيتيح للمستخدم أنه يشاهد المزيد من الفيديوهات

عايزكوا تقولوا أيه أجمد فيديو شوفتوه و عجبكوا سواء أعلان أو أى حاجة J


#الفيديو_قادم