الجمعة، 29 مايو، 2015

تحميل كتاب : كورس للمبتدئين - أزاى تبقى بتاع سوشال ميديا


تحميل كتاب : كورس للمبتدئين - أزاى تبقى بتاع سوشال ميديا 

تحميل كتاب : كورس للمبتدئين - أزاى تبقى بتاع سوشال ميديا PDF
تحميل كتاب : كورس للمبتدئين - أزاى تبقى بتاع سوشال ميديا PDF



شاركنا مع بعض مجموعة من المقالات عن السوشال ميديا  و أزاى تبقى بتاع سوشال ميديا
تقدر توصل للمقالات دى عن طريق الينك ده


الأربعاء، 27 مايو، 2015

أزاى تبقى بتاع سوشال ميديا – تطبيق عملى

Social Media - سوشال ميديا
Social Media - سوشال ميديا 


أزاى تبقى بتاع سوشال ميديا – تطبيق عملى

أول حاجة لازم قبل ما تبدأ تقرأ المقال ده يفضل تكو قرأت سلسة المقالات بتاعة




بعد كده هنبدأ مرحلة التطبيق العملى هيكون قدامك طريقين
أول طريق : هو أنك تقدم فى شركة تكو محتاجة حد يشتغل سوشال ميديا و مش مشترطين الخبرة و فى الغالب طبعا هيكو المرتب قليل ... بس قصاد ده هتتعلم عمل أكتر
بس الطريق ده مش بياسب كل الناس لأن فعليا فى ناس شغاله فى مجالات مختلفة و عايزة تنقل و تشتغل فى السوشال ميديا أو يعى زى ما بنقولها " يبقى بتاع سوشال ميديا "
و طبعا الوقت بيبقى مش مناسب بالنسبة لهم أنهم يشتغلوا فى مكانين فى نفس الوقت

الثلاثاء، 26 مايو، 2015

هى MBC2 بتعمل أيه فى السوشال ميديا

 
MBC2 - Social Media
هى MBC2 بتعمل أيه فى السوشال ميديا
بما أننا بقينا فى عصر التواصل و السوشال ميديا و بقى أى براند بيهتم أوى بشكله و صورته على الأنترنت 
كان من الطبيعى أن قناة زى قناة MBC2 تعمل حاجة مختلفة أحنا هنبدأ الحكاية من بدرى شويتين لحد ما نوصل لأخر أبداعات فريق السوشال ميديا بتاع MBC2

أول حالة كانت 
MBC2  - James Bond 007 

الأحد، 24 مايو، 2015

10 نصائح لأى حد بتاع سوشال ميديا

سوشال ميديا - Social Media
سوشال ميديا - Social Media
10 نصائح لأى حد بتاع سوشال ميديا 

- أنت محتاج Strategy يعنى محتاج خطة تشتغل بيها و نقدر نلخص الخطة دى فى 3 حاجات هما ( الأهداف , طريقة تحقيق الأهداف دى طبعا مع توضيح الوسيلة , و أزاى هتحلل تقدمك و تقيس نجاحك ) ال3 حاجات دول أسمهم بالظبط
* Goals & Objectives
* Way To achieve Goals
*KPIs , Key Performance Investigator

السبت، 23 مايو، 2015

أزاى تعمل أستراتيجى ؟؟

سوشال ميديا - Social Media
سوشال ميديا - Social Media

يعنى أيه استراتيجى

و أنت بتعمل تسويق لمنتجك أو خدمتك ... هتحتاج تعمل تسويق أون لاين و هتستخدم سواء الموقع بتاعك أو هتستخدم مواقع التواصل الأجتماعى


و فى كل الأحوال علشان تضمن نتيجة كويسة و مضمونة لازم يكون عندك Strategy

و علشان بيبقى ساعات فيها لغبطة ... هو أيه الفرق بين ال Strategy و ال Plan ؟؟

الخميس، 21 مايو، 2015

أهم 25 مصطلح فى السوشال ميديا

social Media - سوشال ميديا
social Media - سوشال ميديا 


أيه هى أبرز 25 مصطلح فى السوشال ميديا








1- Post
هو كل ما تقوم بنشره على أى موقع من مواقع التواصل الأجتماعى سواء كان صورة أو بوست نصى أو فيديو أو لينك 

2- Reach 
ده مصطلح بيتقال على الفيس بوك على أى بوست أنت بتنشره على صفحتك و معناه عدد الناس إللى البوست بتاعك وصل لهم بمعنى ادق كام واحد البوست بتاعك ظهر عنده على News Feeds
و هنتكلم هنا عن ال Organic Reach و  Paid Reach

الأربعاء، 20 مايو، 2015

اليوتيوب و أسباب ال 301 مشاهدة

اليوتيوب و أسباب ال 301 مشاهدة
اليوتيوب و أسباب ال 301 مشاهدة 




طبعا كلنا بنتعامل مع اليوتيوب يوميا …… مننا إللى بيتفرج بس على الفيديوهات أو بيستخدم اليويتوب فى #التسويق لشغله
و بناخد بالنا دايما أننا بنلاقى أن عدد المشاهدات لبعض الفيديوهات بيقف عند عدد " 301 مشاهدة "

كورس مجانى للمبتدئين - أزاى تبقى بتاع سوشال ميديا

Social Media - سوشال ميديا
Social Media - سوشال ميديا 

كورس مجانى للمبتدئين - أزاى تبقى بتاع سوشال ميديا 


أول حاجة أنا بس هقول أنا ليه بكتب سلسلة المواضيع دى ؟؟

أنا واحد شغال فى مجال السوشال ميديا ماركتنج  Social Media Marketing     من فترة و فى مجال التسويق الرقمى
إللى هو الديجتال ماركتنج بشكل عام " و ده هبقى أتكلم عنه بالتفصيل مره تانية " بس على الرغم من التطور إللى بيحصل بس لسه فى ناس مش مستوعبه دور السوشال ميديا فى التسويق أو أيه هو المجال ده اصلا و فى قلة مندسة بتقول على إللى شغال فى السوشال ميديا " ده واحد بتاع بوستات "

علشان كده أنا هبدأ معاكم فى السلسلة دى أو ممكن تعتبروه كورس فى السوشال ميديا , هنتكلم عن السوشال ميديا بالتفصيل

أيه هى علاقة السوشال ميديا بالتسويق الرقمى ؟

سوشال ميديا - Social Media
سوشال ميديا - Social Media



علاقة السوشال ميديا بالتسويق الرقمى

أتكلمنا فى الجزء إللى فات عن السوشال ميديا بس أيه علاقة ده بالتسويق الرقمى Digital Marketing  أو بالتسويق بشكل عام

أو حاجة لازم تعرف أن التسويق الرقمى بأختصار هو التسويق مستخدما الأنترنت و وسائل التكنولوجيا الحديثة ( Mobile , Website , Email ..... etc )

الثلاثاء، 19 مايو، 2015

يعنى أيه سوشال ميديا و أيه علاقتها بالتسويق ؟؟

 
سوشال ميديا - Social Media


أول حاجة يعنى أيه سوشال ميديا و أيه علاقتها بالتسويق ؟؟


السوشال ميديا أو الأعلام الأجتماعى يعتمد على نشر كل ما هو جديد فى سياق أجتماعى حسب دائرة معارف كلا منا


و بيعد الأعلام الأجتماعى الأن هو أهم وسائل نشر أى معلومه أو خبر بسبب السهولة و السرعة فى الأنتشار

ده بياخدنا لجزئية تاينة سريعا و هى " شبكات التواصل الأجتماعى " و إللى هى
منها الفيس بوك و تويتر و يوتيوب و جوجل بلس و بنترست و غيرهم كتير


الجمعة، 15 مايو، 2015

أحترس " الايك " فيه سم قاتل !!!!


Like Button

أحترس " الايك " فيه سم قاتل !!!!

مع الأنفجار الرهيب فى موضة مواقع التواصل الأجتماعى و أشهرها الفيسبوك و تويتر و بعد كده فى بينترست و جوجل بلس و غيرهم مواقع كتير .

بنلاقى دايما أن فى بعض السمات المشتركه بين المواقع دى و و طبعا من أهم الحاجات دى سهولة مشاركة أى حاجة مع أصحابك و فى نفس الوقت سهولة أستقبال رد فعلهم على الحاجة دى 

زى مثلا كده لما بتتصور صورة و تنشرها على الفيسبوك و يدخل اصحابك منهم إللى يجاملك و منهم إللى يتريق و هكذا  
:
بس فى زرار خطير فى الفيسبوك و هو " الايك " و بيختلف أسمه من موقع لأخر يعنى مثلا فى تويتر أسمه " Favorite " و فى بينترست مثلا أسمه " Pin "
عامة فى الأخر مهما أختلفت المسميات بس الزرار ده بيمثل رد فعل 

Marketing Is .....

Marketing Is


Some Of My ‪Marketing‬ Posts
Under the name of " Marketing Is ..... "

- Marketing is the process that done with many ways to get the same goal it just depends on your way of thinking
- Marketing is the process that done with many ways to get the same goal it just depends on your way of thinking

حاجة مهمة أوى لازم تعرفها علشان تنجح فى التسويق


تسويق

علشان تنجح فى ‫#‏التسويق‬ لازم يكون صوتك ( مؤثر ، عالى ، قائد ، مميز )
و هو ده المهم فى التسويق
يعنى مثلا أحنا قاعدين و سط ناس و كل واحد بيكلم إللى جنبه ساعتها هيبقى فى نوع من اللغط و الدوشه ،و ساعتها برضه علشان تتكلم و الناس تسمعك و تهتم بكلامك لازم يكون الناس عندها أستعداد أنها تسمعك
مثلا يعنى يكونوا عارفين قبل كده أو أنك تعمل حاجة تخليهم يركزوا معاك
حتى لو أنك تقلع ملط !! grin emoticon wink emoticon

و المدلولات دى و إللى ممكن تطبق على أى حملة تسويقيه أو أى نشاط تسويقى !!
و من المدلولات دى ......
- تقدم حاجة جديدة ( يعنى تقدم خدمة أو منتج جديد )
- تقدم شغلك ده بقى بطريقة جديدة
- تكسب أنتباه الناس
- تستغل أنتباه الناس و تقدم خدماتك و شغلك فى اللحظة المناسبة
صوتك هو أدائك التسويقى يعنى أدائك التسويقى يكون ( مؤثر ، عالى ، قائد ، مميز )

ليه تربية أولادنا زى ال Inbound Marketing


تربية أولادنا أو أى تعامل بينا و بين الناس ما هو إلا ‪#‎InboundMarketing‬ يعنى بالطريقة و من تحت لتحت 
wink emoticon
 
بتبقى عايز توصل الرسالة و أنت و شطارتك بقى .... طبعا ده ما يمنعش أن هيكون فى كلام مباشر و طلبات و أوامر مباشرة ( Call To Action - CTA ) و حسب تقبل الناس بقى و رد فعلهم .

و فى تعاملك مع الناس بتبقى طريقتك مش ثابته لأن الناس مش زى بعض , يعنى عمرك ما هتعامل سواق الميكروباص زى المهندس زى الدكتور زى المحاسب أو زى حد من أصحابك
‫#‏التسويق‬ مش مجرد شوية أعلانات و خلاص التسويق هو الطريقة إللى بتوصل بيها لأهدافك هو الطريقة إللى بتخلى بيها الناس تتوافق معاك
و تتفاعل مع أفكارك و تناقشك فيها و لو عجبتهم بيساعدوك كمان أنك تنشرها 
wink emoticon
و أفتكر دايما أنى بقولك ‫#‏التسويق_حالة_مش_مجرد_شغلانة‬ 
smile emoticon

Niche Marketing و ال Inbound Marketing




Niche Marketing و ال Inbound Marketing

هنتكلم فى البوست ده أزاى تجمع بين التخصص فى مجال معين و بين ال 
Inboumd Marketing

ال Niche Business أو ال Niche Marketing ده مصطلح جميل بسيط لذيذ جدا و هو بلغتنا العامية '' أدى العيش لخبازه '' يعنى أنت لو فاهم فى حاجة أشتغل فيها
يعنى مثلا لو محرك العربية فيه ٢٠ نوع مسامير و أنت عندك القدرة تشتغل فى نوع واحد بس أشتغل فيه ........ لأنك فاهم فيه و ساعتها هتبقى أحسن من إللى شغال فى أكتر من نوع ، لأن نسب مجازفاتك هتبقى أقل و نسب مخاطرتك هتبقى أقل و فى نفس الوقت هيبقى عندك الوقت و المجهود و التركيز أنك تعرض منتجك أو خدمتك بشكل يفرق عن أى حد
طبعا لو عندك المعرفة و القدرة تشتغل فى أكثر من نوع أشتغل أحنا هنا بنتكلم عن الأفضلية ...!!
طيب نتكلم عن مثال يوضح الكلام ده و هو مثال رائع جدا جدا 
فى بيج أسمها " فورسا برسا " forcabarca.com 
طيب البيج دى عبارة عن أيه ولا بتاعة أيه ؟؟ باينه من أسمها أنها بيج رياضية بالتحديد لبرشلونة 
بص معايا كده ( برشلونة > الدورى الأسبانى > الدوريات الأوروبية > كرة القدم> الرياضة )
ده أسمه تخصص التخصص طيب هل إللى قائمين على العمل ده قدروا ينجحوا ؟؟؟

أه قدروا ....... طيب أزاى ؟؟؟ هما أهتموا بالعميل بتاعهم إللى هو مشجع برشلونة فى الوطن العربى عن طريق أخبار الفريق إللى بتتنشر أول بأول زائد كل شئ يتعلق بالنادى من قريب أو من بعيد و مع كده عمرهم ما قالوا " زوروا موقعنا "
علشان تقرأ أى خبر .... بالعكس دول بينشروا كل حاجة بالتفصيل الممل سواء مقال أو تحليل أو خبر أو فيديو أو صور و ............ ده أسمه " Inbound Marketing " يعنى فى كيان قدر يحقق مفهومين أو أتجاهين مهمين فى التسويق
أيه هو ال " Inbound Marketing "
بحب أقول عليه هو " التسويق من تحت لتحت "

بأختصار هو نظام تسويق ( تشويق ) بيعتمد على أربع مراحل مهمين جدا و هم
1- Attraction 
2- Convert
3- Close 
4- Delight 
" هنبقى نتكلم عنهم بالتفصيل مرة تانية "

بس النوع الجديد ده من التسويق بيعتمد أنك تقدم حاجة للعميل تعجبه و يحبها و يتعود عليها و يطلبها بأستمرار من غير ما أنت تكلب منه ده !!!
يعى الفانز عندك على البيج يعملوا لايك و كومنت و شير من غير ما تطلب ده 
يعنى الناس تتابع كل جديد أنت بتنشره من غير ما تقولهم تابعوا !!!

و بيستخدم ال Inbound Marketing على الأنترنت و على السوشال ميديا و بيعتمد أعتماد كلى و جزئى على " المحتوى "
 The Content
و علشان نطبق كلامنا على المثال إللى قولناه فوق
صفحة فورسا برسا بتقدم كل أشكال محتوى مختلفة سواء ( صورة أو نص أو فيديو و كوميكس و أخبار و تحليلات و أحصائيات و ..... و .... ) 
بيحفاظوا على مصداقيتهم جدا و ده شئ مهم جدا جدا

و ما بين التسويق و التشويق إلا أفكار و أحلام و تنفيذ 
wink emoticon
-------------------------------------------------------------------------------
فى بوست فى تجميع لكل البوستات إللى كتبتها قبل كده تقدروا تشوفوه من هنا

ليه تعمل بيزنس بيعتمد على الستات ؟؟




ليه تعمل بيزنس بيعتمد على الستات ؟؟

لو أنت واحد حابب تعمل بيزنس جديد و مش عارف تحدد تبدأ في أيه و منين ؟؟

أنا هأقولك فى الفيديو ده 




فى بوست ده تجميع لكل البوستات إللى كتبتها قبل كده تقدروا تشوفوه من هنا
و عايز أعرف رأيكم فيها 

https://goo.gl/YWXpMd



ده الأكونت بتاعى على 
لينكد أن :  http://eg.linkedin.com/in/mohgomaa89
تويتر : http://www.Twitter.com/mohgomaa89
الفيس بوك : https://www.facebook.com/gom3adesigns